الانتفاخ العضلى - الضخامة العضلية

السلام عليكم.......... بالصلاة ع  النبى كده يا معلمين نصحى مع بعض ان شاء الله, عشان محدش يضحك عليك ويستغل  انه مش مجاللك ويقبض فى فلوسك ويلعب فى دماغك, و هو أصلا سمكرى مش مدرب.  هقولكه هنا على الضخامة من الآخر, كلمة ونص وملهمش نص تانى ولا يختلف عليها  2 مدربين فاهمين. قشطة؟ مع بعض؟

الضخامة ليها قاعدة معروفة و واضحة وصريحة ومش بيسطة وفكرتها تافهة ومش  محتاجة آلة حاسبة وتعقيدات. الفرق بين كل برنامج ضخامة والتانى شرقى غربى  شمال وجنوبى أرضى ومريخى, هو استكشاف اساليب كده, علم فكر جديد ,التغيير,  التحفيز, التنشيط, استكشاف تمارين جديدة, انما المبدأ بتاغ الضخامة  كووووووووووووله... واحد
الوقت المتعرضة فيه العضلة للشد وللمط
Time... under tension!
________________________________________________

الضخامة
الانتفاخ العضلى
Sarcoplasmic Hypertrophy

الضخامة قاعدة واحدة معروفة وصريحة:

عشان تاخد ضخامة من العضلة, لازم تزود الوقت اللى العضلة فيها (اى عضلة) بتتعرض للشد.

كل البرامج ببتفق على سرعتين لعب

1-0-3 & 2-0-3

كلهم سرعة النزول 3 ثوانى زى مانت شايف. ابحث فى جوجل عن الكلمتين دول:

time under tension

hypertrophy

التانية يعنى ضخامة.

اللى يقولك ده اسلوب قديم وظهر أحدث وأحسن, جاهل. الضخامة لازم تزود الوقت اللى العضلة بتتعرض فيه للشد وملهاش حاجة تانية. الأساليب الحديثة بتطور من الفكرة دى, بحيث انها زى السوبر ست, بدل ما تعملمجموعة 12 تكرار, 12 * 3 ثوانى = 36 ثانية وقت تحت الشد, وتريح, لأ, السوبر ست مجموعتين ورا بعض من غير راحة, فيبقى2 مجموعة * 12 عدة * 3 ثوانى = 72 ثانيةورا بعض من غير فواصل راحة وقت تحت الشد, فالعضلة تسخن وتستفز أكتر للضخامة.

الراحة بين المجموعات من 40 الى 60 وساعات الى 90 ثانيةحد أقصى, ليه؟عشانالعضلة تعملها أكتر وقت تحت شد فأقل زمن...

يعنى, لو ريحت 3 سنين بين كل مجموعة ومجموعة, هتعمل 72 ثانية كل 3 سنين, مش كل 60 ثانية, فاهمنى؟

طيب ايه هو الوضع اللى بتتعرض فيه التراى للشد؟ والظهر؟ والرجل؟ و؟ و؟ و؟.. سهلة جدا. يااااه, انت جيب فجمل؟ تعالى.

القاعدة بتاعة اكتساب الضخامة بتقول:

To get the hypertrophy response from  the muscle, you must put the muscle tissues under tension. It’s the  time under tension which gets you the hypertrophy response

الترجمة باللغة العربية:

لكى تحصل على رد فعل تضخم من  العضلة, لابد من وضع الأنسجة العضلية تحت قوة الشد. انه هو الوقت المبذول  أثناء الشد, الذى يعطيك رد فعل تضخم من العضلة.

الترجمة بالعامية:

عشان عضلتك تتضخم, لازم تحط الأنسجة العضلية فى وضع شد. كل ما كتر الوقت فى حالة الشد, كل ما العضلة تضخمت أكتر.

يعنى ايه الكلام ده؟

يعنى فى المثال المذكور تمرين عضلة البايسبس, ترفع الوزن انقباض وضغط, وتنزل بهدووووء

ببطء

لاعبى كمال الأجسام بيشتكوا ان  قدرتهم ضعيفة على التضخم وبيقولوا مفيش حل غير المنشطات والهرمونات و 10  كيلو مكملات فى الشهر, فى حال انهم بيلعبوا كل التمارين وهما بيرموا الوزن

بيلقوا بالوزن, مش بيهبوا به. كل  حاجة بسرعة واحد اتنين واحد اتنين هوف هوف هوب هوب. مفيش أى وقت مأخوذ فى  حالة الشد خالص, وبيشتكوا ان مفيش ضخامة ملحوظة. 90% من الشعب معندوش ضخامة  الا بحقن ومنشطات ومحفزات؟ وهو شخص سليم أصلا؟ طب ازاى؟!

عايز ضخامة, ترفع الوزن فى خلال ثانية و بتحكم مش بهرولة, وتهبط بالوزن بهدوء. اهبط فى 3 ثوانى أو فى 4 ثوانى.