قصة معبرة عن المنشطات بنهاية مؤلمة

السلام عليكم ورحمة الله وبركاتة

الموضوع غير منقول وهو من كتابتى الشخصية
عندى صديق فى الجيم سنة 20 سنة
من ممارسى هذة الرياضة من فترة طويلة
ودخل فى موضوع المنشطات عشان هو جارد .. والموضوع زاد معاة تدريجى وتقريبا مبقاش يتمرن غير بمنشطات

والأخطر من كدة موضوع المنشطات الحيوانى ومش بس كدة .. الحاجات بتاعة المواشى والفراخ

من حوالى 3 أيام خد جرعة زائدة وكانت فيتيسلين ( لو حد عارفها الفايل ال  50 سم بحوالى 40 جنية ودى عبارة عن فيتامين ه وحاجة تانية تقريبا ودى  بتستخدم للمواشى والفراخ لعلاج الضمور العضلى ) + زيت ( تقريبا كانت ديكا  بس مش متأكد )

المشكلة الأخطر انة كان بياخد الحاجات دى موضعى .. ( والناس اللى فاكرة  ان الموضعى مفعولة أسرع أحب اقول انة بيحصل تهتك للعضلة وبالتالى بيبقا ورم  خفيف وبالتالى هيحس ان مفعولها أسرع رغم انها لازم تمر على الكبد وجمبع  المراحل )

فى اليوم دة كان صاحبى عندة تمرين كتف وخد 3 سم فى الكتف اللمين و3 سم  فى الشمال وكل كتف متقسم على 3 أجزاء امامى وجانبى وخلفى كل واحد 1 سم عشان  يبقا  كل كتف 3 سم

بعد التمرين خرج مع بعض الأصدقاء ولما رجع كان تعبان

مقدرش ياخد نفسة

أصيب بسكتة قلبية .. وتوفى

( وارد يكون الحقنة جت فى وريد أو شريان .. مش متأكد طبعا والله أعلى وأعلم )

اللهم أرحمة وأغفر لة وسامحة .... اللهم أمين

ياربت الأول الناس تدعيلو بالرحمة

هذة القصة ليس لها اى مغذى غير ( وذكر )

ياريت الناس فعلا تبطل الكلام دة عشان متبقاش مأساة بعد كدة

أستفاد اية من المنشطات ؟؟!!

فيها اية لما الواحد يتمرن طبيعى .. وعلى فكرة رياضة محترمة جدا جدا جدا

فيها اية لو خد مكملات ولكن بحذر

فيها اية لو بيفكر يدخل فى الأنجكشن ( رغم انى مش من مؤيدى الفكرة ) يبقا بيتابع مع دكتور وتحاليل ( لتقليل ) الأعراض الجانبية

أتمنى كل واحد ياخد فى بالة النقطة دى

أتمنى كل مدرب وكل تاجر يتقى ربنا ويعرف ان الحرام مش بيدوم

أتمنى من كل ممارسى هذة الرياضة الجميلة عمل تحاليل دورية ( سواء شخص عادى أو رياضى )

أتمنى من الجميع التفكير فى كم المبالغ الرهيبة المدفوعة على الكلام دة  .. مش هتكلم واقول فى ناس أصلا مش لاقية تمن وجبة بس اسيب الكلام للجميع

أتمنى الحفاظ على الصحة وأعلم أن الله مطلع عليك