بسم الله الرحمن الرحيم
تحياتي لجميع رواد منتدى كمال الاجسام من مشرفين واعضاء
اليوم يا جدعان حجيب موضوع جديد على الساحة حاجة تختص نوعا ما بالاحتراف على امل ان الجميع يستفيد منها لانك اذا
اتقنتها انت وصلت بنفسك لاعلى مستوى من اللعبة ....
ما هو معنى الربط بين العقل والعضلة ؟؟؟
هو عبارة عن جعل العقل المتحكم الرئيسي في العضلة اثناء التمرين بحيث يكون التركيز الكامل لضخ الدم والحركة الصحيحة
متجهة الى العضلة المعنية ......
يعني انا لو كنت بلعب تمرين للصدر انا بعمل الاتي :
- بحط في عقلي عضلة الصدر وبس
- بخلي نظري يتجه بالكامل على صدري
- ما تبصش على نفسك في المراية وانت بتلعب نظرك الكامل يكون على العضلة باستثناء عضلة الظهر لانك مش حتقدر تشوفها
- انسى كل الناس الي حواليك حتى الي بيلعب معك في الجيم
- خلي اوزانك مساوية لقوة العضلة عندك او العضلة تكون اقوى من الوزن حتى يكون تركيزك كامل لان الوزن الثقيل بيضيع التركيز العقلي والعضلي..
طيب الان خلينا نفكر بالموضوع بالطريقة التالية حتى توصل الفكرة تماما للجميع .. انت الان لما تشتري منتج باور سمعت انة
جامد اوي وكتير من اصحابك استعملوة وعمل معاهم تنائج جامدة اوي الان عقلك رسم صورة كبيرة في الداخل ان المنتج ده
حيعمل معاك شغل جامد زي ما عمل معاهم يعني الان عقلك مهيئ جسمك لاستقبال المنتج وتشغيلة بشكل كامل ... ولما
تبدا باستعمال المنتج اول يومين مثلا حتشوف نتائج جامدة فعلا هل يا ترى كل ده بسبب المنتج الخارق ام ان في قوة عقلية
برمجت جسمك سابقا على ان المنتج حيعمل معك تنائج حلوة ؟؟
اما لو جبت منتح انت مبتعرفش عنه حاجة ومش عارف بيعمل ايه صدقني حيكون الفرق اقل بكتير من لما يكون عقلك مهيئ الموضوع ...
الان العملية دي اسمها التاثير الوهمي للدواء او المنتج لان فعلا في ابحاث اثبتت ان العامل النفسي هو اساس العلاج عند الاشخاص .....
العملية يا جدعان دي مش سهلة ومش صعبة ابدا ولكن دي عاوزة واحد يقدر ينسى كل حاجة حوالية ويكون عندة قدرة
على التركيز بدون ما ياثر عليه اي مؤثر خارجي .. احدى افضل طرق التركيز جيب اي حاجة تسمعها وانت بتحبها جامد
وضروري تسمعها من ال Headset عشان متسمعش حاجة من الخارج لان دي بتساعدك في التركيز بشكل رائع ويبقى عليك
الدور في التفكير الكلي في العضلة المراد تدريبها وباذن الله حتحس بالفرق الشاسع في عضلتك اثناء تدريبها حتحس بتدفق الدم
وكانك مستعمل منتج نيتروجيني وده حصل معي وعن تجربة والحمد لله الان اللعب عندي اختلف كليا العضل دايما فايق
ومشدود ومع التغذية المزبوطة حتشوف زيادة رائعة في وزنك ....
كلمة اخيرة عن الموضوع ...
الطريقة دي يا جدعان انت تقدر توصلها بالتدريب المستمر عليها بانتظام وللنصيحة ابعد عن الاوزان الثقيلة الي فوق طاقتك
وما تتمرنش في النادي الا في الوقت الي بتكون فيه نشيط 100% حتى يكون نشاطك العقلي يعمل على اتم وجة ....
بالنهاية اتمنى ان الموضوع يفيد العدد الاكبر من اللاعبين وما يكونش صعب على اي حد واي استفسار في الموضوع باذن الله انا جاهز ....
الموضوع منقول من موقع الديفيدي العربي
والحمد لله رب العالمين
No comments:
Post a Comment